ਆਦਮਪੁਰ (ਪਰਮਜੀਤ ਸਾਬੀ) ਗਰੀਬ ਨਿਵਾਜ ਕੁੱਤਬ ਸ਼ਾਹ ਵਲੀ ਕਾਦਰੀ ਜੀ ਦਰਗਾਹ ਕਪੂਰ ਪਿੰਡ ਵਿਖੇ ਸਾਲਾਨਾ ਜੋੜ ਮੇਲਾ ਗਰਾਮ ਪੰਚਾਇਤ, ਨੰਬਰਦਾਰ, ਸਮੂਹ ਧਾਰਮਿਕ ਸੰਸਥਾਵਾਂ ਕਪੂਰ ਪਿੰਡ ਦੀਆਂ ਅਤੇ ਐਨ.ਆਰ.ਆਈ.ਵੀਰਾਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ। ਇਸ ਮੌਕੇ ਬੀਬੀ ਸ਼ਰੀਫਾ ਜੀ ਉਦੇਸੀਆਂ ਵਾਲਿਅਾਂ ਦੀ ਸੰਗਤ ਉਚੇਚੇ ਤੌਰ ਤੇ ਪਹੁੰਚਣ ਗਏ ਅਤੇ ਚਾਦਰ ਦੀ ਰਸਮ ਦੁਪਹਿਰ 2ਵਜੇ ਨਿਭਾਈ ਜਾਵੇਗੀ ।
ਉਪਰੰਤ ਕਵਾਲਿਆਂ ਦਾ ਪ੍ਰੋਗਰਾਮ ਉੱਚ ਕੋਟੀ ਦੇ ਕਵਾਲਾਂ ਵੱਲੋਂ ਪੇਸ਼ ਕੀਤਾ ਜਾਵੇਗਾ। ਰਾਤ 8 ਵਜੇ ਤੋਂ 10 ਵਜੇ ਤੱਕ ਰਾਂਜਣ ਅਲੀ ਕਵਾਲ ਵੱਲੋਂ ਪ੍ਰੋਗਰਾਮ ਪੇਸ਼ ਕੀਤਾ ਜਾਵੇਗਾ। ਮਾਲਿਕ ਸਾਹਿਬ ਜੋਤ ਕਾਂਟੀਅਾਂ ਸ਼ਰੀਫ਼ ਵਾਲਿਅਾਂ ਵਲੋਂ ਸਤਿਸੰਗ ਕੀਤਾ ਜਾਵੇਗਾ ਅਤੇ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜਿਆ ਜਾਵੇਗਾ। ਇਸ ਮੌਕੇ ਗੁਰੂ ਦੇ ਲੰਗਰ ਅਤੁੱਟ ਵਰਤਾਏ ਜਾਣਗੇ। ਮੁੱਖ ਸੇਵਾਦਾਰ ਸੁਰਿੰਦਰ ਸਿੰਘ ਅਤੇ ਪ੍ਰਬੰਧਕ ਕਮੇਟੀ ਨੇ ਸੰਗਤਾਂ ਅਤੇ ਪਿੰਡ ਦੀਅਾਂ ਬੇਟੀਅਾਂ ਨੂੰ ਮੇਲੇ ‘ਚ ਪਹੁੰਚਣ ਦੀ ਅਪੀਲ ਕੀਤੀ ਗਈ।
