ਨਵੀਂ ਦਿੱਲੀ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਲਕਸ਼ਦੀਪ ‘ਚ ਸਮੁੰਦਰ ‘ਚ ਗੋਤਾਖੋਰੀ ਅਤੇ ਸਨੌਰਕਲਿੰਗ ਦਾ ਮਜ਼ਾ ਲਿਆ। ਪ੍ਰਧਾਨ ਮੰਤਰੀ ਮੋਦੀ ਨੇ ਲਕਸ਼ਦੀਪ ਦੇ ਦੌਰੇ ਦੌਰਾਨ ਟਵੀਟ ਕੀਤਾ ਕਿ ਆਪਣੀ ਕੁਦਰਤੀ ਸੁੰਦਰਤਾ ਤੋਂ ਇਲਾਵਾ ਲਕਸ਼ਦੀਪ ਸ਼ਾਂਤੀ ਨਾਲ ਵੀ ਮਨਮੋਹਕ ਹੈ। ਇਸ ਨਾਲ ਮੈਨੂੰ ਇਹ ਸੋਚਣ ਦਾ ਮੌਕਾ ਮਿਲਿਆ ਕਿ ਮੈਂ 140 ਕਰੋੜ ਭਾਰਤੀਆਂ ਦੇ ਭਲੇ ਲਈ ਹੋਰ ਵੀ ਸਖ਼ਤ ਮਿਹਨਤ ਕਿਵੇਂ ਕਰ ਸਕਦਾ ਹਾਂ।
ਮੋਦੀ ਨੇ ਹਾਲ ਹੀ ਵਿੱਚ ਕਿਹਾ, “ਮੈਨੂੰ ਲਕਸ਼ਦੀਪ ਦੇ ਲੋਕਾਂ ਵਿੱਚ ਰਹਿਣ ਦਾ ਮੌਕਾ ਮਿਲਿਆ। ਮੈਂ ਇਸ ਟਾਪੂ ਦੀ ਅਦਭੁਤ ਸੁੰਦਰਤਾ ਅਤੇ ਇੱਥੇ ਰਹਿਣ ਵਾਲੇ ਸ਼ਾਨਦਾਰ ਲੋਕਾਂ ਤੋਂ ਹੈਰਾਨ ਰਹਿੰਦਾ ਹਾਂ। ਮੈਨੂੰ ਅਗਤੀ, ਬੰਗਾਰਾਮਾ ਅਤੇ ਕਾਵਾਰਤੀ ਵਿੱਚ ਲੋਕਾਂ ਨਾਲ ਗੱਲਬਾਤ ਕਰਨ ਦਾ ਮੌਕਾ ਮਿਲਿਆ। ਮੈਂ ਟਾਪੂ ਦੇ ਲੋਕਾਂ ਦੀ ਮਹਿਮਾਨਨਿਵਾਜ਼ੀ ਲਈ ਧੰਨਵਾਦ ਕਰਦਾ ਹਾਂ।
