ਚੰਡੀਗੜ੍ਹ – ਦਿਲਜੀਤ ਦੁਸਾਂਝ ਦੀ ਫਿਲਮ ਅਮਰ ਸਿੰਘ ਚਮਕੀਲਾ, ਜੋ ਕਿ ਕੁਝ ਦਿਨ ਪਹਿਲਾਂ NetFlex ‘ਤੇ ਲਾਂਚ ਹੋਈ ਸੀ, ਤੋਂ ਬਾਅਦ, ਅਮਰਜੋਤ ਅਤੇ ਚਮਕੀਲਾ ਇੱਕ ਵਾਰ ਫਿਰ ਚਰਚਾ ਵਿੱਚ ਹਨ ਅਤੇ ਲਗਭਗ ਇੱਕ ਡਾਇਲਾਗ ਵੀ ਹੈ ਜਿਸ ਨੇ ਬਾਅਦ ਵਿੱਚ ਇਸ ਵਿਵਾਦਪੂਰਨ ਜੋੜੀ ਗਾਇਕ ਜੋੜੀ ਨੂੰ ਮਾਰ ਦਿੱਤਾ। ਪਿਛਲੇ ਕੁਝ ਦਿਨੀ ਇਸ ਦੀ ਜਾਂਚ ਕੀਤੀ ਗਈ ਤਾਂ ਇਹ ਸਾਹਮਣੇ ਆਇਆ ਹੈ ਕਿ ਅਮਰ ਸਿੰਘ ਚਮਕੀਲਾ ਅਤੇ ਅਮਰਜੋਤ ਚਮਕੀਲਾ ਨੂੰ ਨਾ ਤਾਂ ਫਰੌਤੀ ਲਈ ਮਾਰਿਆ ਗਿਆ, ਨਾ ਹੀ ਕਿਸੇ ਗਾਇਕ ਰਾਹੀਂ ਮਾਰਿਆ ਗਿਆ ਅਤੇ ਨਾ ਹੀ ਕਿਸੇ ਜਾਤੀਵਾਦ ਕਾਰਨ ਮਾਰਿਆ ਗਿਆ, ਸਗੋਂ ਉਨ੍ਹਾਂ ਨੂੰ ਮਾਰਨ ਪਿੱਛੇ ਖਾਲਿਸਤਾਨ ਕਮਾਂਡੋ ਫੋਰਸ ਅਤੇ ਆਲ ਇੰਡੀਆ ਸਿੱਖ ਪੁਤਲੀ ਫੈਡਰੇਸ਼ਨ ਸਨ ਅਤੇ ਚਮਕੀਲਾ ਕਤਲੇਆਮ ਦੀ ਘਟਨਾ ਤੋਂ ਬਾਅਦ, ਖਾਲਿਸਤਾਨ ਕਮਾਂਡੋ ਦੇ ਪ੍ਰਚਲਤ ਲਾਭ ਸਿੰਘ ਨੇ ਇਸ ਲਈ ਡਿਊਟੀ ਲਈ।
ਇਸ ਕਤਲ ਕਾਂਡ ਦੀ ਰੋਮਾਂਚਕ ਗੱਲ ਇਹ ਹੈ ਕਿ ਅਮਰ ਸਿੰਘ ਚਮਕੀਲਾ ਨੂੰ ਲੁਧਿਆਣਾ ਵਿੱਚ ਉਸ ਦੇ ਕੰਮ ਵਾਲੀ ਥਾਂ ‘ਤੇ ਪਹਿਲਾਂ ਹੀ ਮਾਰਿਆ ਜਾ ਸਕਦਾ ਸੀ, ਜੇਕਰ ਉਸ ਨੂੰ ਮਾਰਨ ਲਈ ਜਾਣ ਵਾਲੇ ਦਿਨ ਉਸ ਨੂੰ ਦੇਖ ਲੈਂਦੇ ਤਾਂ ਇਹ ਗੱਲ ਵੀ ਸਾਹਮਣੇ ਆ ਜਾਂਦੀ। ਇਹ ਸਾਹਮਣੇ ਆਇਆ ਹੈ ਕਿ ਉਨ੍ਹਾਂ ਨੂੰ ਸਿਰਫ਼ ਅਮਰ ਸਿੰਘ ਚਮਕੀਲੇ ਨੂੰ ਮਾਰਨਾ ਪਿਆ ਸੀ, ਜਦੋਂ ਕਿ ਅਮਰਜੋਤ ਨੂੰ ਇੱਕ ਵਾਰ ਮਾਰਿਆ ਗਿਆ ਸੀ ਜਦੋਂ ਉਹ ਅਮਰ ਸਿੰਘ ਚਮਕੀਲੇ ਦੇ ਸਿਖਰ ‘ਤੇ ਪਈ ਸੀ ਜੋ ਜ਼ਮੀਨ ‘ਤੇ ਡਿੱਗ ਗਿਆ ਸੀ ਅਤੇ ਹਾਲਾਂਕਿ ਫਿਲਮ ਦੇ ਅੰਦਰ ਬਹੁਤ ਸਾਰੇ ਅੰਕੜੇ ਸਨ। ਇਕੱਤਰ ਕੀਤੀ ਜਾਣਕਾਰੀ ਦੇ ਅਨੁਸਾਰ, ਅਮਰ ਸਿੰਘ ਚਮਕੀਲਾ ਅਤੇ ਅਮਰਜੋਤ ਨੂੰ ਖਾਲਿਸਤਾਨ ਕਮਾਂਡੋ ਫੋਰਸ ਦੇ ਖਾੜਕੂ ਗੁਰਦੀਪ ਸਿੰਘ ਹੇਰਾਂ, ਗੁਰਨੇਕ ਸਿੰਘ ਨੇਕਾ ਅਤੇ ਸੁਖਦੇਵ ਸਿੰਘ ਸੋਢੀ ਦੁਆਰਾ ਮਾਰਿਆ ਗਿਆ ਸੀ ਅਤੇ ਇੱਥੋਂ ਤੱਕ ਕਿ ਦੋ ਹੋਰ ਖਾੜਕੂ ਗੁਰਦੇਵ ਸਿੰਘ ਰੁੜਕਾ ਵੀ ਮਾਰੇ ਜਾ ਰਹੇ ਹਨ। ਅਤੇ ਪਿੰਡ ਦਾ ਪਰਮਜੀਤ ਸਿੰਘ ਵੀਰ ਵੀ ਦੋ ਸਲਾਟਾਂ ਲੈ ਕੇ ਸਕੂਟਰ ‘ਤੇ ਖੜ੍ਹਾ ਰਹਿੰਦਾ ਸੀ ਕਿਉਂਕਿ ਜੇਕਰ ਗੁਰਦੀਪ ਦੀਪਾ ਹੇਰਾਂਵਾਲਾ ਚਮਕੀਲੇ ਨੂੰ ਨਾ ਮਾਰਦਾ ਤਾਂ ਇਹ ਬੰਦੇ ਚਮਕੀਲੇ ਨੂੰ ਮਾਰ ਸਕਦੇ ਸਨ।
ਹੋਸਟਲ ਦੇ 62 ਨੰਬਰ ਕਮਰੇ ਵਿੱਚ ਚਮਕੀਲੇ ਨੂੰ ਮਾਰਨ ਬਾਰੇ ਤੈਅ ਹੋਇਆ ਸੀ- ਲਵਸ਼ਿੰਦਰ ਸਿੰਘ (ਸਾਬਕਾ ਖਾੜਕੂ) ਦੀਪ ਸਿੰਘ ਦੀਪਾ ਹੇਰਾ ਦੇ ਸਾਥੀ ਰਹੇ ਇੰਗਲੈਂਡ ਵਿੱਚ ਰਹਿ ਰਹੇ ਲਵਸ਼ਿੰਦਰ ਸਿੰਘ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਚਮਕੀਲਾ ਕਤਲ ਕਾਂਡ ਨਾਲ ਸੰਬੰਧਿਤ ਕਈ ਸਨਸਨੀਖੇਜ ਖੁਲਾਸੇ ਕੀਤੇ, ਉਨ੍ਹਾਂ ਦੱਸਿਆ ਕਿ ਆਲ ਇੰਡੀਆ ਸਿੱਖ ਸਟੂਡੈਂਟ ਫੈਡਰੇਸ਼ਨ ਦੇ ਪ੍ਰਧਾਨ ਗੁਰਜੀਤ ਸਿੰਘ ਝੋਕ ਹਰੀਹਰ ਨੇ ਇੱਕ 11 ਨੁਕਾਤੀ ਸਮਾਜ ਸੁਧਾਰ ਪ੍ਰੋਗਰਾਮ ਸ਼ੁਰੂ ਕਰਵਾਇਆ ਸੀ, ਜਿਸ ਵਿੱਚ ਦਾਜ, ਬਰਾਤਾਂ ਦੇ ਨਾਲ-ਨਾਲ ਲੱਚਰ ਗਾਇਕੀ ਨੂੰ ਠੱਲ ਪਾਉਣ ਦਾ ਵੀ ਪ੍ਰੋਗਰਾਮ ਉਲੀਕਿਆ ਗਿਆ ਸੀ ਅਤੇ ਇਸੇ ਕੜੀ ਤਹਿਤ ਚਮਕੀਲੇ ਨੂੰ ਵੀ ਕਈ ਵਾਰ ਚੇਤਾਵਨੀ ਦਿੱਤੀ ਗਈ ਸੀ ਪਰ ਉਸ ਨੇ ਕੈਨੇਡਾ ਟੂਰ ਦੌਰਾਨ ਗੁਰਜੀਤ ਸਿੰਘ ’ਤੇ ਹੀ ਪੈਸੇ ਮੰਗਣ ਦਾ ਇਲਜ਼ਾਮ ਲਗਾਉਂਦੇ ਹੋਏ ਧਮਕੀਆਂ ਨੂੰ ਦਰਕਿਨਾਰ ਕਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਮੀਟਿੰਗ ਲੁਧਿਆਣਾ ਦੇ ਦੁਗਰੀ ਸ਼ਮਸ਼ਾਨ ਘਾਟ ਦੇ ਪਾਸ ਇੱਕ ਕੋਠੀ ਦੇ ਵਿੱਚ ਹੋਈ, ਜਿਸ ਵਿੱਚ ਉਹ ਖੁਦ ਅਤੇ ਸਤਪਾਲ ਸਿੰਘ ਢਿੱਲੋ, ਗੁਰਨੇਕ ਸਿੰਘ ਨੇਕਾ, ਗੁਰਦੀਪ ਸਿੰਘ ਦੀਪਾ ਹੇਰਾਂ, ਸ਼ੇਰ ਸਿੰਘ ਪੰਡੋਰੀ, ਗੁਰਜੀਤ ਸਿੰਘ ਕਾਕਾ ਪੋਹਲੀ ਸ਼ਾਮਿਲ ਹੋਏ ਅਤੇ ਮੀਟਿੰਗ ਦੌਰਾਨ ਚਮਕੀਲੇ ਨੂੰ ਚੇਤਾਵਨੀ ਦੇਣ ’ਤੇ ਸਭ ਦੀ ਸਹਿਮਤੀ ਬਣੀ, ਉਨ੍ਹਾਂ ਦੱਸਿਆ ਕਿ ਇਸ ਮੀਟਿੰਗ ਤੋਂ ਬਾਅਦ ਉਹ ਅਤੇ ਗੁਰਦੀਪ ਸਿੰਘ ਦੀਪਾ ਹੇਰਾਂ ਲੁਧਿਆਣਾ ਦੇ ਚਮਕੀਲੇ ਦੇ ਆਫਿਸ ਗਏ, ਜਿੱਥੇ ਉਨ੍ਹਾਂ ਨੂੰ ਉਸ ਦਾ ਕਲਰਕ ਮਿਲਿਆ ਅਤੇ ਉਸ ਤੋਂ ਚਮਕੀਲੇ ਦੇ ਪ੍ਰੋਗਰਾਮ ਪੁੱਛੇ ਜਿਸ ਨੇ ਦੱਸਿਆ ਕਿ ਚਮਕੀਲੇ ਦੀਆਂ ਛੇ ਮਹੀਨੇ ਦੀਆਂ ਪੂਰੀਆਂ ਬੁਕਿੰਗਾਂ ਹੋ ਚੁੱਕੀਆਂ ਹਨ ਅਤੇ ਉਸ ਤੋਂ ਬਾਅਦ ਉਸ ਨੇ ਕੈਨੇਡਾ ਚਲੇ ਜਾਣਾ ਹੈ ਅਤੇ ਉਹ ਉਥੋਂ ਵਾਪਸ ਆ ਗਏ, ਇਸੇ ਦੌਰਾਨ ਹੀ ਫੈਡਰੇਸ਼ਨ ਦੇ ਪ੍ਰਧਾਨ ਗੁਰਜੀਤ ਸਿੰਘ ਝੋਕ ਹਰੀਹਰ ਨੂੰ ਇਹ ਜਾਣਕਾਰੀ ਮਿਲ ਜਾਂਦੀ ਹੈ ਕਿ ਅਮਰ ਸਿੰਘ ਚਮਕੀਲੇ ਨੇ ਕੈਨੇਡਾ ਵਿੱਚ ਉਸ ’ਤੇ ਪੈਸੇ ਮੰਗਣ ਦਾ ਇਲਜ਼ਾਮ ਲਗਾਇਆ ਹੈ, ਇੱਥੇ ਇਹ ਗੱਲ ਦੱਸਣੀ ਵਾਜਬ ਹੋਵੇਗੀ ਗੁਰਜੀਤ ਸਿੰਘ ਜਿਸ ਵਖਤ ਫੈਡਰੇਸ਼ਨ ਦਾ ਪ੍ਰਧਾਨ ਬਣਿਆ ਸੀ, ਉਸ ਵਖਤ ਉਹ ਢਾਈ ਸੌ ਕਿੱਲੇ ਜਮੀਨ ਦਾ ਮਾਲਕ ਸੀ ਅਤੇ ਉਸ ਵਖਤ ਉਹ ਲੱਖਾਂ ਵਿੱਚ ਖੇਲ੍ਹ ਰਿਹਾ ਸੀ, ਇਸ ਗੱਲ ਨੇ ਚਮਕੀਲੇ ਦੀ ਮੌਤ ਨੂੰ ਤੈਅ ਕਰ ਦਿੱਤਾ ਅਤੇ ਦੁਬਾਰਾ ਗੁਰੂ ਨਾਨਕ ਇੰਜੀਨੀਅਰਿੰਗ ਕਾਲਜ ਦੇ ਹੋਸਟਲ ਦੇ ਕਮਰਾ ਨੰਬਰ-62 ਵਿੱਚ ਇੱਕ ਮੀਟਿੰਗ ਹੋਈ, ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਕਮਰੇ ਵਿੱਚ ਖਾਲਿਸਤਾਨ ਕਮਾਂਡੋ ਫੋਰਸ ਅਤੇ ਫੈਡਰੇਸ਼ਨ ਦੀਆਂ ਅਕਸਰ ਮੀਟਿੰਗਾਂ ਹੋਇਆ ਕਰਦੀਆਂ ਸਨ ਤੇ ਇਸ ਮੀਟਿੰਗ ਵਿੱਚ ਗੁਰਦੀਪ ਸਿੰਘ ਦੀਪਾ ਹੇਰਾ ਸ਼ਾਮਿਲ ਨਹੀਂ ਸੀ ਅਤੇ ਸਤਪਾਲ ਸਿੰਘ ਢਿੱਲੋ, ਗੁਰਨੇਕ ਸਿੰਘ ਨੇਕਾ, ਸ਼ੇਰ ਸਿੰਘ ਪੰਡੋਰੀ, ਗੁਰਜੀਤ ਸਿੰਘ ਕਾਕਾ, ਗੁਰਮੀਤ ਸਿੰਘ ਮੀਤਾ ਅਤੇ ਸਰਬਜੀਤ ਸਿੰਘ ਸਮੇਤ 19 ਸਿੱਖ ਖਾੜਕੂ ਇਸ ਵਿੱਚ ਸ਼ਾਮਿਲ ਹੋਏ ਅਤੇ ਇਹ ਫੈਸਲਾ ਹੋਇਆ ਜਿਸ ਨੂੰ ਵੀ ਅਮਰ ਸਿੰਘ ਚਮਕੀਲਾ ਜਿੱਥੇ ਵੀ ਮਿਲਦਾ ਹੈ ਉਹ ਹੀ ਉੱਥੇ ਉਸ ਨੂੰ ਮਾਰ ਦੇਵੇਗਾ।
ਲਵਸ਼ਿੰਦਰ ਸਿੰਘ ਨੇ ਦੱਸਿਆ ਕਿ ਗੁਰਦੀਪ ਸਿੰਘ ਦੀਪਾ ਹੇਰਾਂ ਨੂੰ ਜਾਣਕਾਰੀ ਸੀ ਕਿ ਅਮਰ ਸਿੰਘ ਚਮਕੀਲੇ ਦਾ ਪ੍ਰੋਗਰਾਮ ਫਿਲੌਰ ਦੇ ਨਜ਼ਦੀਕ ਪੈਂਦੇ ਪਿੰਡ ਮੈਸਨਪੁਰ ਵਿੱਚ ਹੋਣਾ ਹੈ, ਇਸ ਪਿੱਛੋ ਗੁਰਦੀਪ ਸਿੰਘ ਦੀਪਾ ਹੇਰਾਂ, ਗੁਰਨੇਕ ਸਿੰਘ ਨੇਕਾ ਅਤੇ ਸੁਖਦੇਵ ਸਿੰਘ ਉਰਫ ਹਰੀ ਸਿੰਘ ਇਹ ਤਿੰਨੋ ਸਕੂਟਰ ’ਤੇ ਮੈਸਨਪੁਰ ਪਹੁੰਚ ਗਏ ਅਤੇ ਪਹਿਲਾਂ ਦੀਪਾ ਹੇਰਾਂ ਵਾਲਾ ਉਸ ਪਰਿਵਾਰ ਨੂੰ ਮਿਲਿਆ ਜਿਸ ਦੇ ਘਰ ਚਮਕੀਲੇ ਦਾ ਪ੍ਰੋਗਰਾਮ ਹੋ ਰਿਹਾ ਸੀ ਅਤੇ ਪਰਿਵਾਰ ਨੂੰ ਕਿਹਾ ਕਿ ਤੁਸੀਂ ਪਹਿਲਾਂ ਸ਼੍ਰੀ ਆਖੰਡ ਪਾਠ ਸਾਹਿਬ ਕਰਵਾਇਆ ਹੈ ਅਤੇ ਹੁਣ ਤੁਸੀਂ ਚਮਕੀਲਾ ਲਗਵਾ ਲਿਆ ਅਤੇ ਕਿਹਾ ਕਿ ਇਸ ਇਲਾਕੇ ਵਿੱਚ ਅੱਤਵਾਦੀ ਘੁੰਮ ਰਹੇ ਹਨ ਤਾਂ ਪਰਿਵਾਰਿਕ ਮੈਂਬਰਾਂ ਨੇ ਅੱਗੋਂ ਜਵਾਬ ਦਿੱਤਾ ਕਿ ਤੁਸੀਂ ਫਿਕਰ ਨਾ ਕਰੋ ਅਮਰ ਸਿੰਘ ਚਮਕੀਲਾ ਅਤੇ ਅਮਰਜੋਤ ਪਿਛਲੇ ਚੁਬਾਰੇ ਵਿੱਚ ਆ ਚੁੱਕੇ ਹਨ ਅਤੇ ਤੁਸੀਂ ਵੀ ਉਨ੍ਹਾਂ ਦਾ ਪ੍ਰੋਗਰਾਮ ਦੇਖੋ ਅਤੇ ਇਹ ਕਹਿ ਕੇ ਦੀਪਾ ਹੇਰਾਂ ਆਪਣੇ ਸਾਥੀਆਂ ਕੋਲ ਚਲਾ ਗਿਆ ਅਤੇ ਚਮਕੀਲੇ ਦਾ ਇੰਤਜ਼ਾਰ ਕਰਨ ਲੱਗੇ, ਇੰਨੇ ਨੂੰ ਅਮਰ ਸਿੰਘ ਚਮਕੀਲਾ ਦੀ ਕਾਰ ਉੱਥੇ ਆਈ ਅਤੇ ਅਮਰਜੋਤ ਸਭ ਤੋਂ ਪਹਿਲਾਂ ਗੱਡੀ ਵਿੱਚੋਂ ਨਿੱਕਲ ਕੇ ਆਪਣੇ ਪਰਸ ਵਿੱਚੋਂ ਛੋਟਾ ਜਿਹਾ ਸ਼ੀਸ਼ਾ ਕੱਢ ਕੇ ਆਪਣਾ ਮੇਕਅੱਪ ਚੈੱਕ ਕਰਨ ਤੋਂ ਬਾਅਦ ਉਹ ਸ਼ੀਸ਼ਾ ਆਪਣੇ ਪਰਸ ਵਿੱਚ ਪਾ ਹੀ ਰਹੀ ਸੀ ਤਾਂ ਉਧਰੋਂ ਗੁਰਦੀਪ ਸਿੰਘ ਦੀਪਾ ਹੇਰਾ ਨੇ ਚਮਕੀਲੇ ਦੇ ਅਸਾਲਟ ਦਾ ਬਰਸਟ ਮਾਰਿਆ ਅਤੇ ਚਮਕੀਲਾ ਹੇਠਾਂ ਡਿੱਗ ਗਿਆ, ਜਿਸ ਪਿੱਛੋ ਜਦੋਂ ਚਮਕੀਲੇ ਦੇ ਗੋਲੀਆਂ ਮਾਰੀਆਂ ਜਾ ਰਹੀਆਂ ਸਨ ਤਦ ਅਮਰਜੋਤ ਵੀ ਚਮਕੀਲੇ ਉੱਪਰ ਆ ਡਿੱਗੀ ਸੀ, ਹਾਲਾਂਕਿ ਫਿਲਮ ਵਿੱਚ ਅਮਰਜੋਤ ਦੇ ਸਿਰ ਵਿੱਚ ਗੋਲੀ ਪਹਿਲਾ ਮਾਰੀ ਦਿਖਾਈ ਗਈ ਹੈ।
ਜਦੋਂ ਗੋਲੀਆਂ ਚੱਲ ਰਹੀਆਂ ਸਨ ਤਾਂ ਲੋਕਾਂ ਵਿੱਚ ਹਫੜਾ ਦਫੜੀ ਮੱਚ ਗਈ ਅਤੇ ਇੰਨੇ ਨੂੰ ਹੀ ਗੁਰਨੇਕ ਸਿੰਘ ਨੇਕਾ ਸਟੇਜ ’ਤੇ ਚੜ੍ਹ ਗਿਆ ਅਤੇ ਮਾਇਕ ਫੜ ਕੇ ਉਸ ਨੇ ਭੱਜੇ ਜਾ ਰਹੇ ਲੋਕਾਂ ਨੂੰ ਕਿਹਾ ਕਿ ਇੱਕ ਪਾਸੇ ਪੰਜਾਬ ਵਿੱਚ ਪੁਲਿਸ ਸਿੱਖ ਨੌਜਵਾਨਾਂ ਦਾ ਲਹੂ ਵਹਾ ਰਹੀ ਹੈ ਅਤੇ ਦੂਸਰੇ ਪਾਸੇ ਤੁਸੀਂ ਇਸ ਤਰ੍ਹਾਂ ਦੇ ਲੱਚਰ ਗੀਤ ਸੁਣਦੇ ਹੋ ਲੇਕਿਨ ਉਸ ਦੌਰਾਨ ਲੋਕਾਂ ਦੀ ਹਫੜਾ ਦਫੜੀ ਜਾਰੀ ਰਹੀ, ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਇਹ ਤੈਅ ਹੋ ਚੁੱਕਾ ਸੀ ਕਿ ਅਮਰ ਸਿੰਘ ਚਮਕੀਲਾ ਨੂੰ ਹਰ ਹਾਲਤ ਵਿੱਚ ਮਾਰਨਾ ਹੈ ਅਤੇ ਇਹ ਮੌਕਾ ਖੰਝਾਉਣਾ ਨਹੀਂ ਹੈ ਤੇ ਇਸਦੇ ਚੱਲਦਿਆਂ ਹੀ ਦੋ ਹੋਰ ਵਿਅਕਤੀਆਂ ਨੂੰ ਸਟੈਂਡ ਬਾਈ ਰੱਖਿਆ ਗਿਆ ਸੀ, ਜਿਸ ਵਿੱਚ ਗੁਰਦੇਵ ਸਿੰਘ ਰੁੜਕਾ ਅਤੇ ਪਰਮਜੀਤ ਸਿੰਘ ਪੰਮਾ ਵੀਰ ਪਿੰਡ ਵਾਲਾ ਵੀ ਦੋ ਸਾਲਟਾਂ ਲੈ ਕੇ ਦੂਰ ਖੜੇ ਸਾਰੀ ਘਟਨਾ ਨੂੰ ਦੇਖ ਰਹੇ ਸੀ ਅਤੇ ਇਸ ਤੋਂ ਬਾਅਦ ਇਹ ਪੰਜੇ ਵਿਅਕਤੀ ਨਜ਼ਦੀਕ ਪੈਂਦੇ ਪਿੰਡ ਸੰਗ ਢੇਸੀਆਂ ਵਿਖੇ ਗਏ ਜਿੱਥੇ ਇਨ੍ਹਾਂ ਦੀ ਇੱਕ ਬਹੁਤ ਵੱਡੀ ਠਾਹਰ ਸੀ।
ਪੰਜ ਮੈਂਬਰੀ ਪੰਥਕ ਕਮੇਟੀ ਚੁਣੀ ਗਈ ਸੀ, ਜਿਸ ਨੇ ਸ਼੍ਰੀ ਦਰਬਾਰ ਸਾਹਿਬ ਵਿੱਚ ਕਈ ਮੀਟਿੰਗਾਂ ਕੀਤੀਆਂ, ਫਿਲਮ ਵਿੱਚ ਦਿਖਾਇਆ ਗਿਆ ਹੈ ਕਿ ਚਮਕੀਲੇ ਦਾ ਸਾਥੀ ਸਵਰਨ ਸਿਵੀਆ ਉਨ੍ਹਾਂ ਨੂੰ ਪੰਥਕ ਕਮੇਟੀ ਦੇ ਕੋਲ ਲੈ ਕੇ ਜਾਂਦਾ ਹੈ ਜੋ ਕਿ ਇੱਕ ਸੱਚੀ ਘਟਨਾ ਹੈ।ਚਮਕੀਲੇ ਨੇ ਉੱਥੇ 5200 ਰੁਪਏ ਦੀ ਦੇਗ ਵੀ ਕਰਵਾਈ, ਪੰਥਕ ਕਮੇਟੀ ਦੇ ਪੰਜ ਮੈਂਬਰਾਂ ਵਿੱਚੋਂ ਦੋ ਮੈਂਬਰ ਪਹਿਲਾਂ ਹੀ ਪੁਲਿਸ ਮੁਕਾਬਲੇ ਵਿੱਚ ਮਾਰੇ ਗਏ ਅਤੇ ਇੱਕ ਮੈਂਬਰ ਸਾਰਾ ਕੁਝ ਛੱਡ ਕੇ ਅਮਰੀਕਾ ਚਲਾ ਗਿਆ ਅਤੇ ਬਾਅਦ ਵਿੱਚ ਸਿਰਫ ਗੁਰਬਚਨ ਸਿੰਘ ਮਾਨੋਚਾਹਲ ਅਤੇ ਵੱਸਣ ਸਿੰਘ ਜੱਫਰਵਾਲ ਹੀ ਰਹਿ ਜਾਂਦੇ ਹਨ ਅਤੇ ਇਸ ਦੀ ਜਾਣਕਾਰੀ ਚਮਕੀਲੇ ਨੂੰ ਵੀ ਸੀ ਅਤੇ ਇਸ ਕਰਕੇ ਚਮਕੀਲਾ ਬੇਖੌਫ ਹੋਕੇ ਬਿਨਾਂ ਕਿਸੇ ਦੀ ਪ੍ਰਵਾਹ ਕੀਤੇ ਫਿਰ ਉਹੀ ਗਾਉਂਦਾ ਰਿਹਾ, ਜਿਸ ਨੂੰ ਉਸਨੂੰ ਗਾਉਣ ਤੋਂ ਫਿਰ ਰੋਕਿਆ ਗਿਆ ਸੀ।
ਇੱਥੇ ਇਹ ਗੱਲ ਜ਼ਿਕਰਯੋਗ ਹੈ ਕਿ ਪੰਜਾਬ ਵਿੱਚ ਅੱਤਵਾਦ ਦੇ ਸਮੇਂ ਐਫਆਈਆਰ ਤਾਂ ਜਰੂਰ ਹੁੰਦੀਆਂ ਸੀ ਪਰ ਉਨ੍ਹਾਂ ਦੀ ਜਾਂਚ ਦਾ ਕੰਮ ਘੱਟ ਹੀ ਹੁੰਦਾ ਸੀ, ਜਿਆਦਾਤਰ ਐਫਆਈਆਰ ਅਣਪਛਾਤਿਆਂ ਵਿਅਕਤੀਆਂ ਦੇ ਖਿਲਾਫ ਹੀ ਹੁੰਦੀਆਂ ਸੀ ਅਤੇ ਚਮਕੀਲੇ ਵਾਲੇ ਮਾਮਲੇ ਵਿੱਚ ਵੀ ਤਿੰਨ ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਨੂਰਮਹਿਲ ਥਾਣੇ ਦੇ ਵਿੱਚ 65 ਨੰਬਰ ਐਫਆਈਆਰ ਦਰਜ ਕੀਤੀ ਗਈ ਸੀ।ਗੁਰਦੀਪ ਸਿੰਘ ਦੀਪਾ ਹੇਰਾ ਪੰਜਾਬ ਵਿੱਚ ਅੱਤਵਾਦ ਦੇ ਦੌਰ ਦਾ ਇੱਕ ਵੱਡਾ ਨਾਮ ਤੇ ਚੇਹਰਾ ਸੀ ਜੋ ਕਿ ਜਲੰਧਰ ਦੇ ਪਿੰਡ ਹੇਰਾ ਦਾ ਰਹਿਣ ਵਾਲਾ ਸੀ ਤੇ ਇਹ ਸੰਨ 1987 ਤੋਂ ਲੈ ਕੇ 1992-93 ਤੱਕ ਸਰਗਰਮ ਰਿਹਾ, ਹਾਲਾਂਕਿ ਅਮਰ ਸਿੰਘ ਚਮਕੀਲਾ ਕਤਲ ਕੇਸ ਵਿੱਚ ਗੁਰਦੀਪ ਸਿੰਘ ਦੀਪਾ ਹੇਰਾ ਤੇ ਨਾ ਹੀ ਕਿਸੇ ਹੋਰ ਖਾਲਿਸਤਾਨੀ ਨੂੰ ਨਾਮਜ਼ਦ ਨਹੀਂ ਕੀਤਾ ਗਿਆ ਕਿਉਂਕਿ ਜੇਕਰ ਇੱਕ ਪੁਲਿਸ ਅਫਸਰ ਦੀ ਗੱਲ ਨੂੰ ਮੰਨਿਆ ਜਾਵੇ ਤਾਂ ਉਸ ਸਮੇਂ ਪੁਲਿਸ ਇਸ ਘਟਨਾ ਨੂੰ ਖਾਲਿਸਤਾਨੀ ਦਹਿਸ਼ਤਗਰਦਾਂ ਨਾਲ ਨਹੀਂ ਜੋੜਨਾ ਚਾਹੁੰਦੀ ਸੀ ਕਿਉਂਕਿ ਇਸ ਘਟਨਾ ਨਾਲ ਖਾਲਿਸਤਾਨੀਆਂ ਦਾ ਮਨੋਬਲ ਉੱਚਾ ਹੋਣਾ ਸੀ, ਪੁਲਿਸ ਨੇ ਮਹਿਜ ਕਲਾਕਾਰਾਂ ਦੀ ਆਪਸੀ ਖਹਿਬਾਜੀ ਤੱਕ ਮਾਮਲੇ ਨੂੰ ਸੀਮਤ ਰੱਖਿਆ, ਇੱਥੇ ਜਿਕਰਯੋਗ ਹੈ ਕਿ ਦਿਲਜੀਤ ਦੋਸਾਂਝ ਦੀ ਫਿਲਮ ਅਮਰ ਸਿੰਘ ਚਮਕੀਲਾ ਨੇ ਵੀ ਕਲਾਕਾਰਾਂ ਦੀ ਆਪਸੀ ਖਹਿਬਾਜੀ ਦਾ ਨੈਰੇਟਿਵ ਦਿਖਾਉਣ ਦੀ ਅਸਫਲ ਕੋਸ਼ਿਸ਼ ਕੀਤੀ ਹੈ। ਪੁਲਿਸ ਸੂਤਰਾਂ ਮੁਤਾਬਿਕ ਦੀਪਾ ਹੇਰਾ ਤੇ ਸਵਾ ਦੋ ਸੌ ਤੋਂ ਜਿਆਦਾ ਹੱਤਿਆਵਾਂ ਦਾ ਦੋਸ਼ ਸੀ, ਜਿਸ ਵਿੱਚ ਪ੍ਰਮੁੱਖ ਤੌਰ ਤੇ ਹਾਲ ਹੀ ਵਿੱਚ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਏ ਮਹਿੰਦਰ ਸਿੰਘ ਕੇ.ਪੀ.ਦੇ ਪਿਤਾ ਦਰਸ਼ਨ ਸਿੰਘ ਕੇ.ਪੀ., ਐੱਮ.ਐੱਲ.ਏ. ਸਰਵਣ ਸਿੰਘ ਚੀਮਾ ਤੋਂ ਇਲਾਵਾ ਕਈ ਕਾਮਰੇਡਾਂ ਦੀਆਂ ਹੱਤਿਆਵਾਂ ਸ਼ਾਮਿਲ ਹਨ, ਉਹ ਜਲੰਧਰ, ਕਪੂਰਥਲਾ, ਨਵਾਂਸ਼ਹਿਰ ਤੇ ਹੁਸ਼ਿਆਰਪੁਰ ਦਾ ਖਾਲਿਸਤਾਨ ਕਮਾਡੋ ਫੋਰਸ ਦਾ ਏਰੀਆ ਕਮਾਡਰ ਸੀ ਤੇ ਕਈ ਚੱਲਦੇ ਮੁਕਾਬਲਿਆਂ ਵਿੱਚੋ ਉਹ ਫਰਾਰ ਹੋਇਆ, ਬਾਅਦ ਵਿੱਚ ਪਤਾ ਲੱਗਾ ਹੈ ਕਿ ਗੜ੍ਹੇ ਦੇ ਕਿਸੇ ਵਿਅਕਤੀ ਵੱਲੋਂ ਮੁਖਬਰੀ ਕਰਨ ’ਤੇ ਉਹ ਪੁਲਿਸ ਮੁਕਾਬਲੇ ਵਿੱਚ ਮਾਰਿਆ ਗਿਆ ਸੀ।
