ਹੁਸ਼ਿਆਰਪੁਰ (ਸੁਲਿੰਦਰ ਕੰਢੀ) – ਸ੍ਰੀ ਗੁਰੂ ਗੋਬਿੰਦ ਸਿੰਘ ਐਜੁਕੇਸ਼ਨਲ ਟਰੱਸਟ ਅਧੀਨ ਚੱਲ ਰਹੇ ਅਦਾਰੇ ਦਸਮੇਸ਼ ਪਬਲਿਕ ਸਕੂਲ, ਮੁਕੇਰੀਆਂ ਵਿਖੇ ਸ.ਜਤਿੰਦਰ ਸਿੰਘ ਮਾਣੂ ਦੇ ਸਹਿਯੋਗ ਨਾਲ਼ “ਅੱਖਾਂ ਦਾ ਫਰੀ ਕੈਂਪ” ਲਗਾਇਆ ਗਿਆ।
ਐੱਸ.ਪੀ.ਐੱਨ ਚੈਰੀਟੇਬਲ ਹਸਪਤਾਲ਼,ਮੁਕੇਰੀਆਂ ਵਿੱਚ ਅੱਖਾਂ ਦੇ ਮਾਹਿਰ ਡਾ. ਅਖਿਲ ਬੱਤਰਾ ਅਤੇ ਉਨ੍ਹਾਂ ਦੀ ਟੀਮ ਡਾ. ਸੌਰਵ ਮਨਹਾਸ ਅਤੇ ਮਨਜੀਤ ਸਿੰਘ ਵੱਲੋਂ ਪੰਜਵੀਂ ਤੋਂ ਅੱਠਵੀਂ ਤੱਕ ਦੇ ਵਿਦਿਆਰਥੀਆਂ ਦੀਆਂ ਅੱਖਾਂ ਦਾ ਚੈੱਕਅੱਪ ਕੀਤਾ ਗਿਆ ਅਤੇ ਅੱਖਾਂ ਸੰਬੰਧੀ ਬਿਮਾਰੀਆਂ ਬਾਰੇ ਜਾਣੂ ਕਰਵਾਉਂਦੇ ਹੋਏ ਅੱਖਾਂ ਵਿੱਚ ਪਾਉਣ ਲਈ “ਆਈ ਡਰੌਪ” ਵੀ ਦਿੱਤੇ ਗਏ।
ਸਕੂਲ ਦੇ ਪ੍ਰਿੰਸੀਪਲ ਸ੍ਰੀਮਤੀ ਮਨਪ੍ਰੀਤ ਕੌਰ ਭੋਗਲ ਨੇ ਵਿਦਿਆਰਥੀਆਂ ਨੂੰ ਅੱਖਾਂ ਦੀ ਸਾਂਭ-ਸੰਭਾਲ ਬਾਰੇ ਜਾਗਰੂਕ ਕੀਤਾ। ਪ੍ਰਿੰਸੀਪਲ ਸ੍ਰੀਮਤੀ ਮਨਪ੍ਰੀਤ ਕੌਰ ਭੋਗਲ ਨੇ ਸਰਦਾਰ ਜਤਿੰਦਰ ਸਿੰਘ ਮਾਣੂ ਦਾ ਵੀ ਸਤਿਕਾਰ ਕੀਤਾ ਜੋ ਸਮੇਂ-ਸਮੇ ਤੇ ਇਸ ਤਰ੍ਹਾਂ ਦੇ ਕੈਪ ਲਗਾਉਦੇ ਹੀ ਰਹਿੰਦੇ ਹਨ। ਪਿਛਲੇ ਕਈ ਦਿਨਾਂ ਵਿੱਚ ਸ. ਜਤਿੰਦਰ ਸਿੰਘ ਮਾਣੂ ਨੇ ਪਿੰਡ ਕੋਟਲੀ ਖਾਸ ਵਿਖੇ ਕਈ ਕੈਪ ਲਗਵਾਏ ਹਨ।
ਪ੍ਰਿੰਸੀਪਲ ਭੋਗਲ ਨੇ ਹੋਰ ਨੌਜਵਾਨਾਂ ਨੂੰ ਵੀ ਇਸ ਸੰਸਥਾ ਨਾਲ ਜੁੜਨ ਲਈ ਪ੍ਰੇਰਿਤ ਕੀਤਾ ਅਤੇ ਸ. ਮਾਣੂ ਵਰਗੇ ਹੋਰ ਕੈਪ ਲਗਾਉਣ ਦੀ ਵੀ ਗੱਲ ਆਖੀ। ਉਹਨਾਂ ਦੇ ਇਸ ਉਪਰਾਲੇ ਦੀ ਚੈਅਰਮੈਨ ਸ. ਰਵਿੰਦਰ ਸਿੰਘ ਚੱਕ, ਸ. ਕੁਲਦੀਪ ਸਿੰਘ ਬਰਿਆਣਾ, ਸ. ਸਤਪਾਲ ਸਿੰਘ, ਸ. ਹਰਪਾਲ ਸਿੰਘ, ਸ. ਸੁਰਜੀਤ ਸਿੰਘ ਭੱਟੀਆਂ, ਸ. ਹਰਿੰਦਰਜੀਤ ਸਿੰਘ, ਸ. ਦਵਿੰਦਰ ਸਿੰਘ ਅਤੇ ਸ. ਹਰਮਨਜੀਤ ਸਿੰਘ ਨੇ ਸ਼ਲਾਘਾ ਕੀਤੀ।
